Hlíðarhorn er ný og glæsileg bygging á frábærum stað í miðborg Reykjavíkur, sunnan við Miklubraut í grennd við Landspítalann. Vandaðar íbúðir af öllum stærðum og gerðum eru tilbúnar til afhendingar og salan er í fullum gangi.
Frábærar íbúðir á besta stað í bænum
Hlíðarhorn er 10 samtengdar byggingar með stórum og sólríkum inngarði og bílakjallara undir öllu svæðinu. Þar eru 195 sérlega fjölbreyttar og vandaðar íbúðir á 3-5 hæðum og örugglega a.m.k. ein sem hentar þér fullkomlega!
Smelltu til að skoða íbúðirnar í hverri byggingu fyrir sig.
Allar leiðir færar
S8 býður nýjar og fjölbreyttar lausnir til að létta leiðina að nýrri og glæsilegri íbúð í miðborginni. Við bjóðumst til að eiga íbúðina með þér í sameign, þú getur keypt búseturétt í íbúðinni eða bara leigt hana. Allt eftir hvað hentar þér.
Vandaðar, bjartar og fallegar
Við hönnun íbúðanna í Hlíðarhorni er lögð sérstök áhersla á að veita birtu um öll rými, vandað og vel hugsað efnisval og fyrsta flokks frágang. Lofthæð er sérlega rúm, sem gefur frábæra rýmistilfinningu í jafnvel minnstu íbúðunum. Allar íbúðir hafa góðar svalir eða sólpall og margar þeirra bjóða upp á stór og glæsileg útisvæði í tengslum við sólríka stofu.
Sérvaldar innréttingar, gólfefni og tæki eru í sjö ólíkum útfærslum. Mjöll 1, 2 og 3 eru léttar og ljósar, Mói 1 og 2 dekkri og meira afgerandi, á meðan Hlíð 1 og 2 einkennast af viðaráferð og virðuleika."
Ég vil vita meira!
Settu netfangið þitt eða símanúmer í reitinn hér fyrir neðan og við höfum samband til að kynna þér fjölbreytta möguleika til að eignast frábæra íbúð!
Tími er hamingja
Hlíðarhorn er í 102 Reykjavík, nýja hverfinu við rætur Öskjuhlíðar. Þetta er rólega útgáfan af miðborginni: Laugavegur og Lækjartorg eru í auðveldu göngufæri en hverfið er rólegt og öruggt. Göngu- og hjólaleiðir eru fjölmargar og fjölbreyttar, útivist og íþróttaaðstaða fyrir alla aldurshópa, sól, skjól og afslöppun. Dagurinn nýtist einfaldlega betur í Hlíðarhorni!
Á aðra hönd nýtur Hlíðarhorn góðs af margvíslegri þjónustu hins gamagróna Hlíðahverfis, með sínum sérlega góðu leik- og grunnskólum, en á hina höndina er öll flóra veitingastaða, menningar og mannlífs miðborgarinnar.
Frábær aðstaða fyrir íþróttir og útivist
Barnvænt hverfi með fyrsta flokks skóla og frístundastarf
Umhverfisvænar lausnir
Fullbúnar sýningaríbúðir
Valshlíð 3 er fyrsta byggingin sem kom í sölu. Þar er auðvelt að skoða fjölbreyttar gerðir íbúða og bera saman mismunandi útfærslur af innréttingum, tækjum og innra skipulagi.
Það getur verið erfitt að átta sig á hvernig galtómar íbúðir koma út í raunveruleikanum. Til að auðvelda kaupendum að máta sig inn í Hlíðarhorn höfum við sett upp þrjár sýningaríbúðir með húsgögnum og húsmunum. Bókaðu endilega skoðunarferð hjá okkur eða fasteignasölum í samstarfi við okkur og kíktu á þær íbúðir sem þú ert með í sigtinu.
Bílakjallari fyrir alla
Í samræmi við kröfur Reykjavíkurborgar er bílakjallarinn í Hlíðarhorni leigukjallari sem rekinn er á grundvelli samnýtingar. Bílastæði eru ekki inni í húsgjöldum íbúa en með því að leigja stæði verður kostnaður svipaður eða lægri en í sambærilegum byggingum miðsvæðis í borginni.
Bílastæðin eru 102 og íbúar geta tryggt sér aðgang með 12 mánaða leigusamningi og eiga þá forgang að stæði frá 17:00 til 9:00. Bílastæðin eru opin öðrum á daginn (9:00-17:00) ef laus stæði eru til staðar og er þá innheimt tímagjald. Þeir sem eru með leigusamning greiða ekkert tímagjald yfir daginn.
Fylgstu með gangi mála á póstlistanum okkar
Þau sem skrá sig á póstlistann okkar fá fréttabréf um framgang verksins og nýjustu íbúðir sem koma í sölu. Skráðu þig og fylgstu með!
Sjón er sögu ríkari
Hafðu samband við okkur eða samstarfsaðila okkar til að fá upplýsingar og bóka skoðun.
