Hlíðarhorn er ný og glæsileg bygging á frábærum stað í miðborg Reykjavíkur, sunnan við Miklubraut í grennd við Landspítalann. Vandaðar íbúðir af öllum stærðum og gerðum eru tilbúnar til afhendingar og salan er í fullum gangi.
Frábærar íbúðir á besta stað í bænum
Hlíðarhorn er 10 samtengdar byggingar með stórum og sólríkum inngarði og bílakjallara undir öllu svæðinu. Þar eru 195 sérlega fjölbreyttar og vandaðar íbúðir á 3-5 hæðum og örugglega a.m.k. ein sem hentar þér fullkomlega!
Smelltu til að skoða íbúðirnar í hverri byggingu fyrir sig.
Auðveldara greiðslumat og lægri greiðslubyrði með S8-SAMEIGN
Með Sameign getur þú frestað því að kaupa íbúðina að fullu og greitt hóflega – og jafnvel enga – leigu af fjórðungi hennar.
Vandaðar, bjartar og fallegar
Við hönnun íbúðanna í Hlíðarhorni er lögð sérstök áhersla á að veita birtu um öll rými, vandað og vel hugsað efnisval og fyrsta flokks frágang. Lofthæð er sérlega rúm, sem gefur frábæra rýmistilfinningu í jafnvel minnstu íbúðunum. Allar íbúðir hafa góðar svalir eða sólpall og margar þeirra bjóða upp á stór og glæsileg útisvæði í tengslum við sólríka stofu.
Sérvaldar innréttingar, gólfefni og tæki eru í sjö ólíkum útfærslum. Mjöll 1, 2 og 3 eru léttar og ljósar, Mói 1 og 2 dekkri og meira afgerandi, á meðan Hlíð 1 og 2 einkennast af viðaráferð og virðuleika."
Ég vil vita meira!
Settu netfangið þitt eða símanúmer í reitinn hér fyrir neðan og við höfum samband til að kynna þér fjölbreytta möguleika til að eignast frábæra íbúð!
Tími er hamingja
Hlíðarhorn er í 102 Reykjavík, nýja hverfinu við rætur Öskjuhlíðar. Þetta er rólega útgáfan af miðborginni: Laugavegur og Lækjartorg eru í auðveldu göngufæri en hverfið er rólegt og öruggt. Göngu- og hjólaleiðir eru fjölmargar og fjölbreyttar, útivist og íþróttaaðstaða fyrir alla aldurshópa, sól, skjól og afslöppun. Dagurinn nýtist einfaldlega betur í Hlíðarhorni!
Á aðra hönd nýtur Hlíðarhorn góðs af margvíslegri þjónustu hins gamalgróna Hlíðahverfis, með sínum sérlega góðu leik- og grunnskólum, en á hina höndina er öll flóra veitingastaða, menningar og mannlífs miðborgarinnar.
Frábær aðstaða fyrir íþróttir og útivist
Barnvænt hverfi með fyrsta flokks skóla og frístundastarf
Umhverfisvænar lausnir
Fullbúnar sýningaríbúðir
Valshlíð 3 er fyrsta byggingin sem kom í sölu. Þar er auðvelt að skoða fjölbreyttar gerðir íbúða og bera saman mismunandi útfærslur af innréttingum, tækjum og innra skipulagi.
Það getur verið erfitt að átta sig á hvernig galtómar íbúðir koma út í raunveruleikanum. Til að auðvelda kaupendum að máta sig inn í Hlíðarhorn höfum við sett upp þrjár sýningaríbúðir með húsgögnum og húsmunum. Bókaðu endilega skoðunarferð hjá okkur eða fasteignasölum í samstarfi við okkur og kíktu á þær íbúðir sem þú ert með í sigtinu.
Bílakjallari fyrir alla
Í samræmi við deiliskipulag Reykjavíkurborgar er bílakjallarinn í Hlíðarhorni leigukjallari sem rekinn er á grundvelli samnýtingar. Kostnaður við bílastæði eru þannig ekki inni í húsgjöldum íbúa en með því að leigja stæði verður kostnaður svipaður eða lægri en í sambærilegum byggingum miðsvæðis í borginni.
Bílastæðin eru 101 og hluti þeirra verður sérmerktur ákveðnum íbúðum. Aðrir íbúar geta tryggt sér stæði með 12 mánaða áskrift og eiga þá forgang að stæði kvöld og helgar. Bílastæðin eru opin öðrum á daginn (9:00-17:00) ef laus stæði eru til staðar og er þá innheimt tímagjald. Þeir sem eru með áskrift greiða ekki tímagjald yfir daginn.
Fylgstu með gangi mála á póstlistanum okkar
Þau sem skrá sig á póstlistann okkar fá fréttabréf um framgang verksins og nýjustu íbúðir sem koma í sölu. Skráðu þig og fylgstu með!
Sjón er sögu ríkari
Hafðu samband við okkur eða samstarfsaðila okkar til að fá upplýsingar og bóka skoðun.
