Bílakjallari fyrir alla
Í samræmi við deiliskipulag 102 hverfisins er bílastæðakjallarinn í Hlíðarhorni leigukjallari sem rekinn er á grundvelli samnýtingar. Bílastæðakjallarinn verður rekinn af sérstöku rekstrarfélagi og kostnaður vegna bílastæða bætist því ekki við húsgjöld íbúa.
Bílakjallari fyrir alla
Bílastæðakjallari í Hlíðarhorni er í samræmi við deiliskipulag leigukjallari og rekinn á grundvelli samnýtingar. Sérstakt rekstrarfélag mun sjá um rekstur hans og kostnaður vegna bílastæða bætist því ekki við húsgjöld íbúa.
Markmiðið er að útleiga bílastæða þjóni þörfum íbúa fyrir bílastæði. Vegna ákvæða í deiliskipulagi munu aðrir geta nýtt bílastæðakjallarann á dagtíma eftir því sem rými leyfir en þó ekki á kostnað íbúa. Markviss stýring aðgangs og umferðar verður tryggð með vönduðu aðgangsstýringarkerfi.
101
stæði
Í bílastæðakjallara eru 101 bílastæði. Í samræmi við deiliskipulag svæðisins er bílastæðahúsið leigukjallari sem rekinn er á grundvelli samnýtingar. Íbúar í Hlíðarhorni hafa val um hvort þeir kjósa að leigja bílastæði eða ekki, gegn hóflegu gjaldi, og með því er stuðlað að sanngjarnri útdeilingu bílastæða. Með íbúðum í ákveðnum verð- og gæðaflokkum fylgja sérmerkt bílastæði. Fyrir stæðin er ekki innheimt sérstakt leigu- eða áskriftargjald, heldur aðeins hefðbundinn rekstrarkostnaður af sameign í bílastæðakjallara sem íbúar þeirra íbúða verða aðilar að. Aðrir íbúar geta tryggt sér aðgang að bílastæðakjallara með 12 mánaða áskriftarsamningi og munu þá fá forgang að lausu stæði frá 17:00 til 9:00. Mánaðargjald í áskrift á stæði er áætlað 19.900 kr. Bílastæðakjallarinn verður opinn öðrum á daginn (9:00-17:00) ef laus stæði eru til staðar og er þá innheimt tímagjald. Íbúar sem eru með leigusamning greiða ekki tímagjald yfir daginn.
Einkastæði
kvöld og helgar
Eftir kl 17:00 á virkum dögum og allan sólarhringinn um helgar er bílastæðakjallarinn eingöngu ætlaður íbúum og verður aðgengi að honum stýrt. Aðgengi að hleðslustöðvum í kjallara fylgir sérmerktum stæðum og áskriftarstæðum. Greitt verður fyrir hleðslurafmagn skv. gjaldskrá en hleðslutæki verða í eigu rekstraraðila.
3 deilibílar
Í bílastæðakjallara er gert ráð fyrir rekstri á 3 deilibílum. Notkun deilibíla mun verða skv. gjaldskrá og skilmálum rekstraraðila deilibílanna. Framboði deilibíla verður stýrt samkvæmt eftirspurn og mun ekki hefjast fyrr en allir stigagangar eru fullbyggðir og komnir í notkun.
Sanngjarnt
gjald
Gjöld sem eru innheimt fyrir almenn opin stæði ganga til reksturs bílastæðakjallara. Verði heildartekjur hærri en almennur rekstrarkostnaður (orkunotkun, fasteignagjöld, tryggingar, aðgangsstýring, viðhald o.þ.h.) kemur jákvæður mismunur til lækkunar á áskriftargjöldum íbúa næsta árs.